طلب عاجل من اخواتى في بنغازي

[ام ساره وعبدالعزيز]

السلام عليكم يا غاليات وكل عام وانتوا بخير عارفة انها متاخرة بس الله غالب
حبيت نسالكن عن احسن دكتور نساء في بنغازي وعن مكان يديروا فية منظار بطنى ورحمى
ارجو منكن الرد السريع لان في كرب وهم مايعلم بية الا الله ..... ومشكورات

[لوتي]

ربي يفرج كربك إن شاء الله الأخوات اللي من بنغازي يفيدوك

[ام ساره وعبدالعزيز]

ربي يفرج كربك إن شاء الله الأخوات اللي من بنغازي يفيدوك
مشكورة لوتى بارك الله فيك

[luba]

ربي يفرج كربك اللهم لاسهلا الا ماجعلته سهلا وانت تجعل الحزن (الصعب) ادا
شئت سهلا

اللهم سهل كرب اختنا ام ساره وعبد العزيز واسعدها في الدنيا والاخرة

لو سمحتي حنرفع الرابط متاعك الي بعض الاخوات اعتقد انهم من بنغازي

ليدروا عليك بسرعه

[ام ساره وعبدالعزيز]

ربي يفرج كربك اللهم لاسهلا الا ماجعلته سهلا وانت تجعل الحزن (الصعب) ادا
شئت سهلا

اللهم سهل كرب اختنا ام ساره وعبد العزيز واسعدها في الدنيا والاخرة

لو سمحتي حنرفع الرابط متاعك الي بعض الاخوات اعتقد انهم من بنغازي

ليدروا عليك بسرعه مشكورة عزيزتى بارك الله فيك

[الصابرة]

ان شاءالله ربي يخفف كربك ويفرج همك يارب

اني كنت نعرف لكن للاسف حولت من مكانها ومانعرفش هيا وين
واسمها الدكتورة ايمان ماشاءالله عليها وحتى راجلها دكتور وهما الاثنين تخصص نساء بعد
الثورة معاش نعلم عليهم اي حاجة
ان شاءالله اخواتي اللي في بنغازي يفيدوك يارب

[om_adnan]

ام ساره...ربى يطمن عليك ,فيه د.زكريا لنقى و فوزيه بن عامر فى عياده المروه ,د.فوزيه العربى فى عياده الصفوه ,طبعا ان شاء الله ايكونوا فى نفس المكان.

[ام ساره وعبدالعزيز]

مشكورات اخواتى على الاهتمام بس ياريت تقولولي لو في منظار بطنى ورحمى والا لا

[نسمه ليبيه]

ام شاره وعبدالعزيز ربييفرج كربك

انا نعرف الدكتور صلاح بن طاهر تقريبا افضل دكتور فى بنغازى

وياريت الاخت ام ايوب قاعده لانها تعرف بنغازى اكثر

[ام ساره وعبدالعزيز]

ام شاره وعبدالعزيز ربييفرج كربك

انا نعرف الدكتور صلاح بن طاهر تقريبا افضل دكتور فى بنغازى

وياريت الاخت ام ايوب قاعده لانها تعرف بنغازى اكثر
مشكورة حبيبتى بس معليش نثقل عليك هو يدير في منظار بطنى ورحمى

[نسمه ليبيه]

والله يام سدره وعبد مانعرف باضبط بس اكيد لانه متمكن جدا

[ام ساره وعبدالعزيز]

نسمة بة وين مكانة في اى عيادة

[أم أيوب]

أم سارة وعبد العزيز ربي يفبج كربك يارب وما يوريك هم ان شاء الله

حبيبة قي كم دكتورة ودكتور متمكنين ونعرف مكاناتهم وحنذكرهم لكي بترتيب الافضلية من وجهة نظري

اول وحدة نثق فيها الحق وفي علاجها هي دكتورة فريحة بوزقية ممتاااااااااااااازة وزوجها دكتور عبد الفتاح العوامي

هم يمسكو في كم مكان بس عيادتهم الأساسية هي مركز اليشائر الطبي في شارع جمال مقابل نادي النصر

ويمسكو في عيادة المروة في شارع شهداء الزاوية ( الفاتح سابقا )

وعندك دكتور صالح طاهر حتى هو ممتاز ويمسك في عيادة المروة

وعندك دكتورة ايمان بوطلاق وزوجها في مركز الأمل الطبي في شارع الحدائق مقابل مركز شرطة الحدائق

وفي دكتورة حكمت بوقرين حتى هي ممتازة في عيادة المستقبل مقابل مركز شرطة الحدائق وجنب مركز الأمل الطبي

بس نبي نقولك حاجة لو كان الموضوع متعلق بالرغبة في الانجاب ننصحك بدكتورة ايمان وزوجها ودكتور صالح طاهر وفريحة بوزقية

لو كان مرض لا سمح الله دكتورة فريحة ممتازة الحق وكشفها دقيق جدا أنا تابعت نعاها في عيالي الاثنين

عندك فوزية بن عامر وحميدة القنين عندهن بعض الاخطاء في التشخيص الحق والثانية مجربتها بروحي يعني سنتين نتباع معاها نبي الحمل وماصار شي

ربي يشفيك يا حبوبة واي استفسار انا جاهزة تفضلي ولا يهمك

[ام ساره وعبدالعزيز]

أم سارة وعبد العزيز ربي يفبج كربك يارب وما يوريك هم ان شاء الله

حبيبة قي كم دكتورة ودكتور متمكنين ونعرف مكاناتهم وحنذكرهم لكي بترتيب الافضلية من وجهة نظري

اول وحدة نثق فيها الحق وفي علاجها هي دكتورة فريحة بوزقية ممتاااااااااااااازة وزوجها دكتور عبد الفتاح العوامي

هم يمسكو في كم مكان بس عيادتهم الأساسية هي مركز اليشائر الطبي في شارع جمال مقابل نادي النصر

ويمسكو في عيادة المروة في شارع شهداء الزاوية ( الفاتح سابقا )

وعندك دكتور صالح طاهر حتى هو ممتاز ويمسك في عيادة المروة

وعندك دكتورة ايمان بوطلاق وزوجها في مركز الأمل الطبي في شارع الحدائق مقابل مركز شرطة الحدائق

وفي دكتورة حكمت بوقرين حتى هي ممتازة في عيادة المستقبل مقابل مركز شرطة الحدائق وجنب مركز الأمل الطبي

بس نبي نقولك حاجة لو كان الموضوع متعلق بالرغبة في الانجاب ننصحك بدكتورة ايمان وزوجها ودكتور صالح طاهر وفريحة بوزقية

لو كان مرض لا سمح الله دكتورة فريحة ممتازة الحق وكشفها دقيق جدا أنا تابعت نعاها في عيالي الاثنين

عندك فوزية بن عامر وحميدة القنين عندهن بعض الاخطاء في التشخيص الحق والثانية مجربتها بروحي يعني سنتين نتباع معاها نبي الحمل وماصار شي

ربي يشفيك يا حبوبة واي استفسار انا جاهزة تفضلي ولا يهمك
نجك لي ام ايوب ربى يجزيك خير ويرزقك من حيث لاتحتسبى
بة ممكن تقوليلى وين يديروا في المنظار البطنى والرحمى وسامحينى على تعب

[ام ساره وعبدالعزيز]

يااخواتى انا عندى انسداد في الانابيب ياريت تساعدونى وتقوليلى من احسن دكتور يدير في المنظار
درتة في طبرق وماتروليش حل قولولي ايش اندير سسسسسسسساعدونى:(:(:mad:

[ام ساره وعبدالعزيز]

ووووووينكم

[حبيبتهم]

السلام عليكم
ربي يرزقك الذرية الصالحة
معليشي اختي اني مانعرفش في بنغازي

ربي يرزقك من واسع فضله ويرزق كل من يتمنى الذرية الصالحة

[om_adnan]

ام ساره ...ربى يشفيك ويعافيك,الانسداد بعد ولاده ساره وعبدالعزيز,يعنى فيه امل,ريى يرزقك بدكتور كويس,الدكتور الجيد يكون باين وانتى اكيد ترتاحى معه,الموضوع مادام واضح حيكون ساهل وان شاء الله نشاركوك الفرحه قريبا.

[موودة]

ربي يشفيك ويعافيك يا اختى

وام ايوب كفت ووفت والدكتورة فريحة بوزقية ممتازة

وفيه دكتورة وفاء العبار و سالمة حبارة فى عيادة بنغازى اللى فى الصابرى
وبالنسبة لتشخيص الحالة والمنظار وغيرها لازم تعدى بروحك لأى من الدكتورات اللى قالولك عليهم وهم بعدين يشخصولك الحالة ويقولولك شن اديرى

وربي يرزقك بالذرية الصالحة

[ام ساره وعبدالعزيز]

مشكورات كلكن على الاهتمام
ام عدنان انا عندى سارة بس عبدالعزيز كنيةبة تفاولتيلى ههههههههه

[أم أيوب]

أم سارة وعبد العزيز ربي يشفيك ان شاء الله بس نبي نسألك

كيف عرفتي انه عندك انسداد هل درتي ابرة الزيت؟؟ لانها هي اللي توضح لو في انسداد ام لا

لو مادرتيهاش اظني حيديروها لكي ولو في انسداد بسيط ان شاء الله الزيت اللي في الابرة حيحوله لكي

شوفي عندك صالح طاهر وفريحة بوزقية وزوجها عبد الفتاح العوامي هدوم الترتيب الأول من وجهة نظري ممتازين وخبرة أكثر من 30 سنة

نبس نسألك انت جبتي بنيتك بقيصرية ؟؟؟ لان القيصرية ممكن تكون سبب في الانسداد في قنوات فالوب

توكلي على الله وتعالي بنغازي وشوفي عيادة المروة ومركز البشائر الطبي

بس لازم تكوني حاجزة قبل في العيادة عشان تجي في اليوم اللي موعدك فيه لانهم زحمة عليهم الصراحة

ممكن نبعتلك ارقام عيادة المروة عشان تسألي على أقرب موعد لدكتور صالح طاهر

ان شاء الله بكرة نتصل بأهلي في بنغازي وانخد منهم رقم العيادة لأن ماما تتردد على دكتور غادي وعندها رقم الرسيبشن