[ساندوتشات الدجاج بخبز الكسكاس ] من مطبخ ام عبسي
السلام عليكم
http://www.libyan-kitchen.com/galler...shkmajalld.gif
كل عام وانتم بألف خير
جيتكن بعد طول غياب وبصراحة تحشمت بعد هالتأخير انخش وايدي فاضية
جبتلكن طريقة الميني ساندوتش هكي اسمها الاصلي وهالطريقة خديتها من
اخت ليبية من احد المنتديات الله يعطيها كل خير وبصراحة طريقة مش عادية
بس اني غيرت شوي في طريقة الحشوة نبدوا بسم الله
العجينة
كوب صغير زبادي او لبن
ربع كوب كبير حليب دافئ
نصف ملعقة كبيرة سكر
ملعقة كبيرة خميرة فورية
ملعقة صغيرة ملح
ودقيق مايعجن هذه المقادير حتى تططيك عجينة متماسكة ونتركه تتخمر
http://www.libyan-kitchen.com/galler...2012111435.jpg
ثم نقو بأعداد الحشوة وهي عبارة عن صدور الدجاج نقوم يتقطيعها
بشكل طولي ونضع عليها قليل الزيت و الملح وفلفل اكحل وقليل
من اللبن وبودرة الثوم والزنجبيل المطحون ونضعها على النار
http://www.libyan-kitchen.com/galler.../201211fpf.jpg
وبين ما طاب الدجاج وتتغير لونا نقطع البصل
والفلفل الحلو والطماطم بشكل طولي يعني جوانح
http://www.libyan-kitchen.com/galler.../201211ckc.jpg
وهذا شكل الدجاج بعدما طاب
http://www.libyan-kitchen.com/galler.../201211igi.jpg
وبعدها نحط عليه البصل والفلفل والطماطم
http://www.libyan-kitchen.com/galler.../201211vmv.jpg
ولما تدبل الخضرة اللي حطيناها عالدجاج اني نحط في الاخير ملعقة كبيرةهريسة
وربع ملعقةطماطم معجون ونصف ملعقة سكر واي نوع جبنة اذوب عندي
وبالكمية اللي نبيها طبعا الصورة هنا استخدمت جبنة موزاريلا و
جبنة الشمع الاحمر (وهذا سرطعمة خبيزتي)ويمكن استبدال ماسبق نقصد
من م الهريسة واللي بعده بكاتشب ومايونيز ونطفي عليه النار
http://www.libyan-kitchen.com/galler.../201211cjc.jpg
وبعدها انحط طويسة صغيرة في نص الحشوة
ونحطو فيها جمرة ونقيطات زيت وعلي طول نغطيها
بالسلفرعلشان تاخد طعم الدخان اللي طالع من الزيت والجمرة (طعم الشواء)
http://www.libyan-kitchen.com/galler.../201211mom.jpg
وبعد ما هنينا عالحشوة انجوا للعجينة اللي اختمرت
ونقرصها الى عدد زوجي يعني قعر وغطاء ونغطيهم بقطعة قماش
http://www.libyan-kitchen.com/galler.../201211qfq.jpg
ونمشي على طول انحط الكسكاس بالمقلوب
علي اكبر عين في الغاز وما نعلي الغاز واجد
http://www.libyan-kitchen.com/galler.../201211beb.jpg
وتوا انجوا للشغل المزبوط ناخدوا قرصين من العجينة
ونفردهم بالنشابة او العصى امتاعت فرد العجينة ع الرخامة
او لوحة فرد العجينة مع شوية دقيق ونحط في وحدة منهم فقط ملعقة كبيرةمملوئة من الحشوة
http://www.libyan-kitchen.com/galler...2012111436.jpg
وبعدين انحط القرص الفاضي فوق القرص اللي حطينا فيه الحشوة
http://www.libyan-kitchen.com/galler.../201211ryr.jpg
ونضغط باصابعنا على اطراف العجينة كويس علشان ما تطلع الحشوة اثناء الخبز
http://www.libyan-kitchen.com/galler.../201211tit.jpg
ونسوي الاطراف بقطاعة البيتزا ونحولو الزايد من العجينة
http://www.libyan-kitchen.com/galler.../201211qmq.jpg
وعلى طول ع الكسكاس الساخن
http://www.libyan-kitchen.com/galler.../201211rrr.jpg
ونقلبها بعد ما نعطوها الوقت الكافي للطياب اني هنا عطيتها اكثر من الازم;)
http://www.libyan-kitchen.com/galler.../201211nnn.jpg
اااااااااااااااهه ياظهري واخيرا كملتها هي تفضلن ياحلوت تستنن في الواحد لين يعزمكن عزومة
حقة انسيت قبل ماتكلن دهننها بشوية زيت علشان تحول شهوبية الدقيق
http://www.libyan-kitchen.com/galler.../201211owo.jpg
وهذاشكلها من داخل والطعم ممممممممممممم ماينوصف يبي ايدين ايديرن وايذوقن
http://www.libyan-kitchen.com/galler.../201211fdf.jpg
وصحتين علي قلوبكن